Доделени награди за иновации во наставата и користење технологија

Скопје, 30 март 2011

Најкреативните наставници и училишта во Македонија во користењето технологија и иновациии во наставата, денеска беа наградени од корпорацијата Интел.

Во програмата, која почна во ноември 2010,  учествуваа над 400 одделенски наставници и 137 основни училишта, а награди добија девет наставници и осум училишта од исто толку региони во земјава.

Успешно завршен проектот е-Влада

Скопје, 28 март 2011

Овој проект е финансиран од УСАИД и за истиот се потрошени 5,6 милиони долари кои се обезбедени од граѓаните на САД.
Целта на проектот кој започна во 2004 година, а финишираше сега е да се зголеми ефикасноста и транспарентноста во јавната администрација и во сите други државни институции во нашата земја.

Средба на министерот Ивановски со ССК
Скопје, 04 март 2011

Сојузот на стопански комори (ССК) денеска ги поздрави најавените измени на законот за јавна администрација, изразувајќи надеж дека нашето општество ќе добие услужна и задоволна администрација.

„Апелирам до јавната администрација да не се плаши од овој закон. Законот не се воведува за лошо, тој е за развој и ние го карактеризираме како револуција во јавната администрација“, изјави претседателот на ССК, Златко Калеников, по денешната средба со министерот за информатичко општество и администрација Иво Ивановски .

Работилница за стратешко планирање
Охрид, 23 февруари 2011

Професионална и модерна јавна администрација, подготвена да одговори на барањата и потребите на граѓаните е еден од приоритетите на Владата на Република Македонија, истакна Министерот за информатичко општество и администрација, Иво Ивановски, на работилницата за стратешко планирање на Министерството која се одржа од 18 до 20 февруари во Охрид.

Промовиран системот за „Интероперабилност“ меѓу државните органи и институции

Скопје, 23 февруари 2011

Премиерот Никола Груевски придружуван од министерот за информатичко општество и администрација Иво Ивановски денеска во Централниот регистар го промовира системот за меѓусебно поврзување и користење на регистрите и базите на податоци меѓу државните органи и институции.

Стандарди за управување со човечки ресурси

Скопје, 21 февруари 2011

Министерството за информатичко општество и администрација со поддршка на проектот Градење на капацитети за ЕУ интеграција, финансиран од Британската Амбасада (фонд СПФРЕ), во текот на февруари и март 2011 година, продолжува со циклусот локални обуки за имплементација на Стандардите за управување со човечки ресурси. Обуките се наменети за вработените во одделенијата за управување со човечки ресурси во рамките на државната служба како и за средното раководство одговорно за развој и за планирање на човечките ресурси во рамките на своите институции.

МАРнет ќе започне да врши регистрација на домени

Скопје, 14 февруари 2011

 

Согласно Законот за основање на Македонската академска научно истражувачка мрежа (“Службен весник на Република Македонија” бр. 124 од 20 септември 2010), МАРнет ќе започне да врши регистрација на домени и други активности во врска со регистрацијата на домените под врвниот македонски национален домен .mk во областа на интернет.

Заменик министерот Д-р Секуловска на Јубилејната 10 годишнина на Националниот форум за Информациска соработка и безбедност

Москва, 07-08 февруари 2011

Заменик министерот за информатичко општество и администрација, д-р Мирјана Секуловска, од денес 07 Февруари 2011 година , е во официјална посета на Русија, Москва, каде присуствува на 10-от Јубилеен Инфофорум за Информациска соработка и безбедност- ИНФОФОРУМ.

Избран е директор на Македонската академска истражувачка мрежа-МАРнет

Скопје, 03 февруари 2011

 

Управниот одбор на Македонската академска истражувачка мрежа-МАРнет, во функција на спроведување на постапката за избор на Директор на Македонската академска истражувачка мрежа-МАРнет, распиша јавен конкурс за избор на директор, во дневните весници “Нова Македонија” и “Лајм” од 20.01.2011 година.

Потпишан меморандумот за модернизација на државната администрација

Скопје, 02 февруари 2011

Министерството за информатичко општество и администрација и Владата на Обединетото Кралство потпишаа меморандум за соработка, за проектот „Поддршка кон процесот на модернизација на државната администрација“.

Ивановски: Драстично ќе го смениме концептот на функционирање на јавната администрација
Скопје, 20 јануари 2011

Реформите во администрацијата во наредните три до четири години ќе одат со брзо темпо и ќе има голем број проекти што драстично ќе го сменат концептот на функционирањето на јавната администрација во Македонија. Со новиот начин на живеење станува потреба државата да прави реформи со цел да може да им излезе во пресрет на барањата на граѓаните и, пред се, на бизнис заедницата, најавува министерот за информатичко општество и администрација Иво Ивановски во интервју за МИА.

Syndicate content