Промовиран поимник на македонски зборови од областа на информатичката технологија
Скопје, 09 септември 2009

Негативниот тренд на користење се повеќе англиски зборови од информатичката технологија во секојдневната комуникација во државава ќе се надминува преку користење поимник на македонски зборови од областа на информатичко комуникациската технологија.

Македонија во 2011 ќе биде домаќин на седницата на Глобалната Алијанса за развој на ИКТ при Обединетите Нации
Монтереј, Мексико, 03 септември 2009

На 2- ри септември 2009 година, министри, носители на одлуки, бизнис лидери во полето на развој на информатичките и комуникациските технологии од целиот свет се состанаа во Монтереј, Мексико, на конференцијата на Глобалната алијанса за развој на ИКТ при Обединетите Нации.

Плаќање таксени марки за лични документи и преку СМС
Скопје, 25 август 2009

Министрите за информатичко општество и за внатрешни работи Иво Ивановски и Гордана Јанкуловска денеска го промовираа новиот начин на плаќање таксени марки при издавање на лични документи, преку СМС порака и со платежна картичка преку интернет.

Промовиран портал за лица со инвалидност „Сакам, знам, можам“
Скопје, 25 август 2009
Министрите за информатичко општество и за труд и социјална политика, Иво Ивановски и Џељал Бајрами, денеска го промовираа порталот за лица со инвалидност „Сакам, знам, можам“.

Оглас за прибирање на понуди за деловни простории

Скопје, 14 август 2009

 

Република Македонија
МИНИСТЕРСТВО ЗА ИНФОРМАТИЧКО ОПШТЕСТВО

Објавува Оглас
за прибирање на понуди за деловни простории

Министерството за информатичко општество објавува оглас за прибирање на понуди за деловни простории под наем за следните градови: Велес, Дебар, Пробиштип, Штип, Крушево, Македонски Брод, Берово, Делчево, Радовиш, Свети Николе, Демир Хисар, Валандово, Струга, Струмица и Кратово.

Демант од министерот за информатичко општество Иво Ивановски за учество на конференција за е-Стратегија
Скопје, 14 август 2009

Министерот Иво Ивановски остро го демантира  публикувањето на веста за негово присуство на конференција за е-Стратегија организирана од страна на фирмата “Британски Изведувачи”. Заради непрофесионалниот пристап на компанијата, која со злоупотребата на неговото име преку неавторизирано објавување на негово учество во конференција ги прекрши важечки законски прописи,  министерот ќе биде приморан да преземе корективни мерки со цел сторителите на оваа злоупотреба да преземат одговорност за преземените недозволени дејствија.

Министерот Ивановски ја посети компјутерската фирма „Еин Софт“
Скопје, 14 август 2009

Министерот за информатичко општество Иво Ивановски денеска ја посети компјутерската фирма „Еин Софт“ која го изработува системот за електронско раководење со документи на сите министерства во Република Македонија.


Средба на заменик министерот Секуловска со ректорот Самакоски во канцеларијата на Универзитетот за ИТ во Охрид

Охрид, 13 август 2009

На петте факултети на Универзитетот за информатичка технологија во Охрид во првата година ќе бидат запишани 125 студенти од Македонија. Бројот на странските студенти не е ограничен. Универзитетот ќе се наоѓа во поранешниот Дом на АРМ каде е во тек реновирањето и адаптирањето на просториите, кое според заменик-министерот за информатичко општество д-р Мирјана Секуловска треба да биде навреме завршено до почетокот на академската година.

Заменик министерот за информатичко општество д-р Мирјана Секуловска во посета на бесплатниот Интернет клуб во Охрид
Охрид, 11 август 2009

Денес заменик министерот за информатичко општество д-р Мирјана Секуловска беше во посета на охридскиот бесплатен Интернет клуб и имаше средба со вработените во клубот и со посетителите.

Информатичките проекти во Македонија позитивно оценети во САД
Скопје, 09 август 2009

Пациентите во Македонија до крајот на 2011 година наместо здравствени книшки ќе имаат електронка картичка со сите податоци за здравствената состојба. Ќе биде во функција и електронски информативен систем кој ќе ги поврзе примарното, секундарното и терцијарното здравство, аптеките и Фондот за здравствено осигурување и ќе се следат приходите расходите во здравствените институции.

Министерот Ивановски ја посети локацијата на интернет-киоск во Долно Лисиче

Скопје, 08 август 2009

Министерот за информатичко општество м-р Иво Ивановски денеска го посети подрачното основно училиште „Гоце Делчев“ во скопското село Долно Лисиче, каде што ќе биде поставен интернет-киоск, со кој жителите четири години ќе имаат бесплатен безжичен интернет пристап.

Syndicate content