Македонска делегација на саемот ЦИФИТ во НР Кина

Хиамен, НР Кина, 9 Септември 2008

Македонска делегација предводена од министерот за информатичико општество М-р Иво Ивановски присуствува на 12-тиот саем за инвестиции и трговија ЦИФИТ, што се одржува во Хиамен, Народна Република Кина. 




Станува збор за еден од најголемите собири по број на учесници што се одржуваат во Азија и во светот. Оваа година саемот го посетија 96 министри и вицепремиери. Во состав на македонската делегацијата се и претставници од Агенцијата за странски инвестиции предводена од директорот Виктор Мизо, соопшти владината прес-служба.



Министерот Ивановски имаше билатерална средба со заменикот министер за економија на НР Кина, Ма Хиунхонг. Кинескиот заменик министер изрази задоволство од присуството на македонската делегација на ЦИФИТ, како и од поддршката која македонската Влада ја дава на компании од НР Кина кои инвестираа во Македонија. Хиунхонг изразил благодарност за учеството на македонските спортисти на Олимписките и Параолимписките игри во Пекинг.


- Министерот Ивановски упати честитки за досега најспектакуларните Олимписки игри. Ивановски ги потврди ставовите и можностите на Владата на Република Македонија за привлекување странски директни инвестиции и побара од министерот Хиунхонг да даде придонес во промовирање на Македонија како земја која нуди најповолни бенефиции во автомобилската индустрија, како и во информационо-комуникациските технолошки индустрии во на Источна Европа, се неведува во соопштението.



За време на посетата, македонската делегација имала повеќе средби со потенцијални инвеститори кои изразиле интерес за инвестирање во Источна Европа и најавиле посета на Македонија до крајот на годинава.