Арсовска Томовска го отвори 'Codefest 2016'

Охрид, 15 април 2016 година

Министерот за информатичко општество и администрација Марта Арсовска Томовска го отвори 4-от по ред 'Codefest 2016', што претставува технолошки настан во организација на Здружението за развој Стартап зона Охрид, кој ќе трае од 15 -17 април.

Одржан првиот работен состанок за изработка на новата Стратегија за РЈА (2016-2021)

Скопје, 15 април 2016 година

Заменик министерот за информатичко општество и администрација Тимчо Муцунски денеска го одржа првиот состанок со работната група за изготвување на новата стратегија за реформа на јавната администрација, за периодот 2016-2021 година. На состанокот присуствуваше и експертски тим од СИГМА, претставници од невладиниот сектор, тим на универзитетски професори, како и тим од МИОА.

Пофалница за МИОА од Светската царинска организација

Скопје, 14 април 2016 година

Министерот за информатичко општество и администрација Марта Арсовска Томовска учествуваше на свеченоста по повод денот на Царинската управа, при што и беше врачена Пофалница од Генералниот секретар на Светската царинска организација, Кунио Микуриа, за посебна соработка на полето на имплементацијата на ИТ системите, континуирана соработка и електронско прибирање, размена и заштита на податоци поврзани со царинското работење.

Работен состанок со невладиниот сектор, за изработка на новата стратегија за РЈА

Скопје, 13 април 2016 година

Во рамките на процесот за изготвување на новата Стратегија за реформа на јавната администрација за периодот 2016-2021 година, Заменик министерот за информатичко општество и администрација Тимчо Муцунски оствари работен состанок со претставници на невладини организации. На состанокот беше претставен оперативниот план за изготвувањето на новата стратегија и беше упатен повик за активно вклучување на невладиниот сектор.

МИОА се приклучува кон поддршката за Дарко Божиноски

Скопје, 06 април 2016 година

Министерството за информатичко општество и администрација се приклучува кон поддршката за единствениот полуфиналист од Република Македонија, на натпреварот за наука и технологија на млади претприемачи од земјите во развој Global Innovation through Science and Technology (GIST) Tech-I pitch competition.

Да го поддржиме младиот Дарко Божиноски, со гласање на линкот www.gistnetwork.org/tech-i/vote.

Конференција за е-Влада во организација на МИОА

Скопје, 05 април 2016 година

Министерот за информатичко општество и администрација Марта Арсовска Томовска ја отвори првата Конференција за е- Влада во организација на МИОА, на која учествуваат претставници од ИТ секторот од владините институции. Целта на конференцијата е добивање информации и оперативни детали за тоа што е направено на ниво на институциите од областа е-Влада, кои се достигнувањата, податоци за имплементираните проекти и статусот на проектите што се во тек.

Реакција на Министерството за информатичко општество и администрација

Скопје, 04 април 2016 година

 

Манипулациите на Александар Кирацовски, на денешната прес конференција ги поминаа сите граници. Несовесноста, неодговорноста и незаинтересираноста на Кирацовски и на луѓето кои ги распореди во својот кабинет, сака да ги оправда со префрлање на вината на луѓе кои деноноќно работејќи, професионално и стручно си ја извршуваат својата работа.Заради запознавање на јавноста со сите детали околу темата која беше предмет на денешната прес конференција ја информираме јавноста за следното:

Арсовска Томовска се обрати на отворањето на Саемот за вработување и пракса ,,Контакт 2016”

Скопје, 04 aприл 2016

Министерот за информатичко општество и администрација Марта Арсовска Томовска се обрати на отворањето на Саемот за вработување и пракса ,,Контакт 2016“, во организација на студентските парламенти на ФЕИТ и ФИНКИ. Настанот кој ќе трае три дена, има за цел да ги поврзе работодавците со студентите, преку овозможување директна промоција на компаниите од една страна и претставување на искуството и знаењата на студентите од друга страна.

Најава: Арсовска Томовска ќе го отвори Саемот за вработување и пракса ,,Контакт 2016“.

Скопје, 3 -ти април 2016 година

Министерот за информатичко општество и администрација Марта Арсовска Томовска утре (понеделник) 04. април 2016 година, ќе го отвори Саемот за вработување и пракса ,,Контакт 2016“. Настанот ќе се одржи во Амфитеатарот на Факултетот за електротехника и информациски технологии – ФЕИТ и Машинскиот факултет – МФС, со почеток во 11:00 часот.

Арсовска Томовска се сретна со австралиската пратеничка Алана Мектиернан

Скопје, 01. Април 2016

Министерот за информатичко општество и администрација Марта Арсовска Томовска денеска оствари средба со Алана Мектиернан, пратеник во Долниот дом на Федералното собрание на Австралија. На средбата присуствуваа и почесниот конзул на Австралија Зоран Костовски и советникот за регулаторни прашања од Агенцијата за Електронски комуникации, Владимир Ристевски.

Конференција ,,Отворено владино партнерство– дијалог со граѓанските организации за Националниот акциски план 2016-2018".

Скопје, 23 март 2016 година

Министерот за информатичко општество и администрација Марта Арсовска Томовска ја отвори конференцијата ,,Отворено владино партнерство -дијалог со граѓанските организации за Националниот акциски план 2016-2018", во организација на проектот ТАКСО (Техничка поддршка за граѓанските организации) и МИОА. Целта на дводневната конференција е да ја промовира иницијативата Отворено владино партнерство меѓу граѓанските организации и подетално да ги информира за остварениот прогрес, да создаде простор за дискусија меѓу граѓанските организации и владините институции за искуствата и предизвиците во спроведувањето на вториот акциски план и да им овозможи на граѓанските организации да дадат насоки и препораки за дизајнирањето на следниот акциски план.

Арсовска Томовска се обрати на конференцијата ,,ИКТ и вработување: потреба и можности“

Скопје, 16 март 2016 година

Министерот за информатичко општество и администрација Марта Арсовска Томовска се обрати на конференцијата ,,ИКТ и вработување: потреба и можности", во организација на здружението ,,Отворете ги прозорците", а во рамки на одбележувањето на европската кампања „Недела на дигитално вклучување 'Get Online Week 2016'. Темата на конференцијата е поврзана со дигиталната инклузија, а целта е јакнење на свеста во однос на потребата и можните придобивки од користењето на информациско комуникациските вештини, на отворениот пазар на труд.

Заменик министерот Муцунски ја отвори работилницата за Отворени владини податоци

Скопје, 16 март 2016 година

Министерството за информатичко општество и администрација, во соработка со Центарот за истражување во јавната администрација KDZ од Австрија, организираше еднодневна работилница за дефинирање стандарди за отворени податоци, како дел од проектот Отворени владини податоци (Open data).

Најава: Арсовска Томовска ќе се обрати на Конференција ,,ИКТ и вработување: потреба и можности"

Скопје, 15 март 2016 година

Министерот за информатичко општество и администрација, Марта Арсовска Томовска, на 16. март, среда, во 11 часот, ќе се обрати на конференцијата ,,ИКТ и вработување: потреба и можности", во организација на граѓанското здружение ,,Отворете ги прозорците", a во рамки на одбележувањето на европската кампања ,,Недела на дигитално вклучување" ('Get Online Week 2016').

Заменик министерот Муцунски се обрати на настанот на СИГМА во однос на реформите во администрацијата

Скопје, 11 март 2016 година

Заменик министерот за информатичко општество и администрација Тимчо Муцунски се обрати на настанот во организација на СИГМА(заедничка иницијатива на ОЕЦД и ЕУ), за реформите на јавната администрација. На настанот беше претставен основниот извештај за реформите што на тоа поле биле спроведени во 2015 година во Република Македонија, а кој ги содржи достигнувањата, но и идните предизвици што претстојат.

Реакција на МИОА

Скопје, 10 март 2016 година

Почитувани,

 

Во врска со партиската прес конференција на дополнителниот заменик на министер за информатичко општество и администрација Александар Кирацовски, одржана на 10.03.2016 година, заради запознавање на јавноста со фактите кои свесно или несвесно се прикриваат од страна на Кирацовски, би сакале да укажеме на следното:

Syndicate content